Vilde har vore nære fleire gonger, men i Trysil skulle ho altså lykkast. Ho er dermed skyttar nummer 16 frå Rollag og Veggli som er medlem i den sokalla 350-klubben. (Den fyrste var Stein Rennehvammen)

Ekstra stas er det at Vilde skyt med cal. 22. Det er vansklegare på grunn av lågare utgangshastigheit på kula enn i cal 6,5. Ein må halde rolegare lenger enn med raskare prosjektil. Dessutan er denne lette kula meir påverkeleg av vind enn eit tyngre prosjektil. Skyttaren må difor følgje nøye med vinden og forhalde seg til den.

Det styrkar Rollag og Veggli sin profil med cal 22 skyting så lenge som mogleg! Vi trur at det styrkar den einskilde på sikt. Vilde er ei stødig og tålmodig jente som driv med det ho trur på. Og i dag lykkast ho altså- Gratulere Vilde og velkommen i klubben!!

Lagkameratane hennar skaut også NC i dag og etter ein dag på det jamne er Synne Nørstegård Tråen best av dei med 344 p- Ho ligg med det på 17 plass i Trysil.